توحشتك و توحّشت كلامك
توحّشت الضّحكة في عينك و الغمزة في سلامك
توحّشت غربتي كي
 تفرّغ قلبك وتنسى شكون وراك و شكون قدّامك
توحّشت نسمعك،نحسّك ، نبوسك
توحّشت نغرق في داموسك و نضيع في ظلامك


 توحشت رمضان متاع قبل كيف كنت الهاملة, الضّايعة ليالي  بين الكراسي  نتبّع  في
ريحة شمّامك
 نلوّج في كلمة في حرف يصوّرلي
الي نحسّ بيه و ما يوصّلو كان السّكات بين عذب كلامك
  كلام  يكتبني ،يصورني و يردّني لون من ألوان أقلامك
نسمعك و نواسيك , نفهمك و نرفق بيك
نحسّك ليّ , مرتاح ودفيان  بين يديّ
بعيد على الحساد و كلامهم الموذي في  مقامك
توحشت تلمني و يشدّني البكاء و نعمل روحي غرقت
في حضنك, نخبي وجهي من ملامك
ما تبكيش يا صبرى , الدنيا ما زالت قدّامك
نتلفّت نلقى الوقت جرى و عروقي نبتت في تراب ايّامك
 يا ليتنى كنت طير , نهجرك كيف يبرد هواك وتتكدر
سماك و يتعثّر حبّي بين أقدامك.
 ما صابني لقيت فجوة تخرجني من حبس أحلامك
  نخلّيك...نرميك وردة على قبر و ننسى الي مات باش تترفع أعلامي و  أعلامك