خايفة على تونس وصغارها
على الأحواش والجبال, البرد سقّطلها عظامها
خايفة من حقد مسوّد كحّللها دموعها
نجمة طفات وخلاّت العرب غارقة في كسادها
خايفة من زغب دقنونة على فرس راكبة
خايفة من زنود موشّمة راية الظّلام رافعة
خايفة على "اللّه أكبر" الّي صغرت
في القلوب
و ولاّت تتقرى بالأبواق والأصوات المجرّحة
خايفة...
و اليّ يخاف... ببلادو ما ينجى
Commentaires
Enregistrer un commentaire